Ակրեդիտիվի և բանկային երաշխիքի ավագ մասնագետ

Աշխատատեղի նկարագրություն` 

Evoca-ն փնտրում է Ակրեդիտիվի և բանկային երաշխիքի ավագ մասնագետ, ով պատասխանատու կլինի հաճախորդների ներգրավման, հարաբերությունների պահպանման, ֆինանսական վերլուծությունների, երաշխիքների, ակրեդիտիվների և ֆակտորինգի փաթեթների մշակման և սպասարկման համար։

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):

Աշխատանքային պարտականություններ`

• հաճախորդների ներգրավում և հարաբերությունների պահպանում,
• վարչության և բաժնի հանձնարարականների կատարում,
• մասնակցություն ներքին իրավական ակտերի մշակմանը,
• երաշխիքային, ակրեդիտիվի և ֆակտորինգի փաթեթների ձևավորում և փոխանցում,
• համապատասխան եզրակացությունների տրամադրում և փաստաթղթերի ստուգում,
• դիմումների ընդունում և փաստաթղթերի հավաքագրում, ուսումնասիրություն,
• բիզնեսի վերլուծություն և վարկունակության գնահատում,
• երաշխիքային, ֆակտորինգային և ակրեդիտիվ պորտֆելի սպասարկում,
• գրավի ընտրություն և գնահատում,
• ֆակտորինգի ծրագրային և փաստաթղթային ձևակերպումների իրականացում։

Ներկայացվող պահանջներ`

• բարձրագույն կրթություն,
• կորպորատիվ հաճախորդների և այլ գործընկերների հետ շփման հմտություններ,
• ֆինանսական գրագիտություն, այդ թվում վերլուծությունների իրականացման համար,
• մեկից ավել առաջադրանքների զուգահեռ իրականացում,
• անգլերեն և ռուսերեն լեզուների գերազանց իմացություն:

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Ակրեդիտիվի և բանկային երաշխիքի ավագ մասնագետ»։