Քարտերի տրամադրում և սպասարկում

1.  Քարտապանը վճարում է Բանկին Վճարային Քարտի սպասարկման հետ կապված Բանկի սակագներով սահմանված միջնորդավճարներ, եթե Բանկի և Քարտապանի միջև այլ համաձայնություն չի կայացվել:
2. Վճարային Քարտի սպասարկման միջնորդավճարի առաջին վճարումը Քարտապանը կատարում է քարտը պատվիրելիս, իսկ հաջորդ վճարումները՝ Բանկի սակագներով սահմանված պարբերականությամբ՝ կանխավճարային կարգով: Վճարային Քարտի գործողությունը վաղաժամկետ դադարելու դեպքում գանձված սպասարկման վճարը չի վերադարձվում:
3. Վճարային Քարտի սպասարկման միջնորդավճարի գծով չմարված պարտավորության դեպքում մինչև Հաճախորդի կողմից պարտավորության լրիվ մարումը Բանկի կողմից Վճարային քարտը բլոկավորվում է:
4. Վճարային Քարտով գործարքների իրականացման, ինչպես նաև Բանկի կողմից Վճարային Քարտի սպասարկման հետ կապված վճարների գանձման արդյունքում քարտի վճարային սահմանաչափը գերազանցելու դեպքում Քարտային հաշվին ձևավորվում է Գերածախս: Բանկի սակագներով կարող է սահմանվել Գերածախսի գծով տուժանք: Բանկին վճարման ենթակա Գերածախսի գումարները Քարտապանը պարտավոր է մարել անմիջապես:
5. Բանկի սակագներով Վճարային Քարտի համար սահմանված միջնորդավճարները և Վճարային Քարտի սպասարկման հետ կապված այլ վճարները՝ ներառյալ Քարտային հաշվին ձևավորված Գերածախսը, պարտավորությունները կազմող գումարները Բանկի կողմից գանձվում են անակցեպտ եղանակով՝ առանց Քարտապանի հանձնարարականի: Գանձումն առաջնահերթ կատարվում է Քարտային հաշվից, իսկ Քարտային հաշվին միջոցների բացակայության դեպքում, Քարտապանի՝ Բանկում ունեցած այլ հաշիվներից: Ընդ որում, Քարտապանը պարտավոր է ապահովել համապատասխան դրամական միջոցների առկայությունը իր բանկային հաշիվ(ներ)ին:
6. Չեղարկված գործարքի գումարը առևտրի/սպասարկման կետի կողմից վերադարձվելուց հետո Բանկը մուտքագրում է Քարտային հաշվին՝ նվազեցնելով չեղարկման համար պահումները (առկայության դեպքում): Անկախ չեղարկված գործարքի գումարի վերադարձման հանգամանքից և ժամկետից՝ Քարտապանը պետք է Բանկին վճարի կատարված գործարքի արդյունքում Բանկի նկատմամբ ձևավորված պարտավորությունները:
7. Բանկը պատասխանատվություն չի կրում առևտրի/սպասարկման կետի կողմից մատուցված որևէ ծառայության դիմաց գանձված և Քարտապանի Քարտային հաշվից ելքագրված վճարի համար: 

1. Նախքան Վճարային Քարտն օգտագործելը Քարտապանը պարտավոր է ստուգել տվյալ քարտը սպասարկող սարքի կամ սարքավորման միջոցով Վճարային Քարտով իրականացվող գործարքների տեսակները (կանխիկի տրամադրում, կանխիկի մուտքագրում, վճարումներ և այլն), ինչպես նաև Վճարային Քարտը սպասարկող վճարահաշվարկային համակարգերով (ArCa, MasteCard, VISA և այլն) սպասարկելու հնարավորությունը:
2. Վճարային Քարտի, PIN ծածկագրի, CVV/CVC կոդի և Բանկի կողմից տրամադրված գաղտնաբառի օգտագործման հետ կապված ամբողջ ռիսկը կրում է Քարտապանը:
3. PIN ծածկագիրը Քարտապանը պետք է պահպանի գաղտնի և այն հասանելի չդարձնի այլ անձանց: Բանկը պատասխանատվություն չի կրում Քարտապանի կողմից իր PIN ծածկագիրը երրորդ անձանց հասանելի դառնալու հետևանքով Վճարային Քարտի ոչ օրինական և Քարտապանի կողմից չարտոնված օգտագործման համար:
4. Քարտապանը կարող է իր հայեցողությամբ փոխել PIN ծածկագիրը` համապատասխան հնարավորությամբ բանկոմատի միջոցով: PIN ծածկագրի փոփոխման համար անհրաժեշտ է մուտքագրել գործող PIN ծածկագիրը և նոր PIN ծածկագիրը:
5. Քարտապանն իրավունք չունի փոխանցել Վճարային Քարտը, հայտնել PIN ծածկագիրը, CVV/CVC կոդը, գաղտնաբառը այլ անձանց: Քարտապանը պարտավոր է ձեռնարկել միջոցներ, որպեսզի Վճարային Քարտը, PIN-կոդը, CVV/CVC կոդը, գաղտնաբառը, քարտի վրա նշված տեղեկատվությունը տեսանելի կամ այլ կերպ հասանելի չլինեն այլ անձանց:
6. Արգելվում է գրել PIN ծածկագիրը Վճարային Քարտի վրա, ինչպես նաև Վճարային Քարտը և PIN ծածկագիրը պահել միասին:
7. Վճարային Քարտը օգտագործելիս PIN ծածկագիրը անհրաժեշտ է հավաքել այնպես, որ տեսանելի չլինի այլ անձանց համար և չտեսագրվի որևէ տեսաձայնագրող սարքի միջոցով:
8. Վճարային Քարտով գործարքների իրականացման ժամանակ Քարտապանը պետք է մուտքագրի PIN ծածկագիրը, եթե գործարքի կատարման համար օգտագործվող սարքավորման միջոցով տվյալ տեսակի քարտով գործարքի իրականացման համար պահանջվում է PIN ծածկագրի մուտքագրում: PIN ծածկագրի մուտքագրումն անհրաժեշտ է նաև NFC վճարումների ժամանակ` առանց PIN ծածկագրի մուտքագրման շեմի գերազանցման դեպքում:
9. Ինտերնետ միջավայրում (վիրտուալ առևտրի կետերում) քարտով գործարքների իրականացման ժամանակ PIN ծածկագրի փոխարեն կարող է պահանջվել CVV/CVC կոդի մուտքագրում:
10. 10. Արգելվում է ինտերնետ միջավայրում (վիրտուալ առևտրի կետերում) մուտքագրել (հայտնել) PIN ծածկագիրը: PIN ծածկագիրը հայտնելու դեպքում անհրաժեշտ է անմիջապես դադարեցնել գործարքը, տեղեկացնել Բանկին և բլոկավորել քարտը:
11. Ինտերնետ միջավայրում քարտով գործարք կատարելիս Քարտապանը պետք է նախապատվություն տա ապահով վճարում նախատեսող կայքերին (secure-payment website): Առցանց խաղատները, բուքմեյքերական գրասենյակները համարվում են առավել ռիսկային:
12. Քարտապանը պետք է առավել ուշադիր լինի այն գործարքների մասով, որոնք իրականացվում են ժամանցի և նմանատիպ այլ վայրերում: Խորհուրդ է տրվում Վճարային Քարտը չվստահել այլ անձանց և թույլ չտալ Վճարային Քարտի օգտագործումը Քարտապանի տեսադաշտից դուրս:
13. Չի կարելի օգտվել այն բանկոմատներից, կանխիկացման և առևտրի/սպասարկման կետերից և սարքավորումներից, որոնք Քարտապանի կարծիքով վստահելի չեն կամ կասկած են առաջացնում, ինչպես նաև, եթե դրանց քարտ ընթերցող սարքին, ստեղնաշարին կամ կանխիկի տրամադրման պատուհանին միացված են լրացուցիչ սարքավորումներ, հաղորդալարեր, կպչուն ժապավեններ և այլ կասկածելի իրեր։
14. Սույն պայմաններով սահմանված կանոնների և պահանջների խախտումով Վճարային Քարտով կատարված գործարքների, ինչպես նաև քարտի, PIN-ծածկագրի, գաղտնաբառի, Վճարային քարտի վրա նշված տեղեկատվության (Վճարային քարտի համար, CVV/CVC կոդ, վավերության ժամկետ), OTP գաղտնաբառի օգտագործման, երրորդ անձանց տրամադրման կամ հայտնի դառնալու հետևանքով Քարտապանի կրած վնասների համար Բանկը որևէ պատասխանատվություն չի կրում:

1. Վճարային Քարտով իրականացվում են հետևյալ տեսակի գործարքները`
   • Քարտային հաշվի համալրում,
   • Քարտային հաշվից կանխիկացում
   • Անկանխիկ վճարումների իրականացում
   • Քարտից քարտ փոխանցումներ
2. Քարտային հաշվի համալրում
   • Քարտապանը Քարտային հաշվի համալրում կարող է իրականացնել կանխիկ և անկանխիկ եղանակներով:
   • Քարտային հաշվին կանխիկ եղանակով համալրում իրականացնելու համար Քարտապանը մոտենում է Բանկի Գլխամասային գրասենյակ կամ Մասնաճյուղ և կատարում է համալրումը:  Քարտային հաշվին կանխիկ եղանակով համալրումներ կարող են իրականացվել նաև Բանկի կանխիկի մուտքի հնարավորությամբ բանկոմատների, վճարային տերմինալների, ինչպես նաև այլ բանկերի և վճարահաշվարկային կազմակերպությունների վճարային տերմինալների միջոցով:
   • Քարտային հաշվին անկանխիկ եղանակով համալրում իրականացվում է Բանկի կամ այլ Բանկերի, Քարտապանի կամ այլ անձանց բանկային հաշիվներից՝ Քարտապանի Քարտային հաշվին փոխանցում կատարելու միջոցով:
   • Բանկի Գլխամասային գրասենյակում կամ մասնաճյուղերում Բանկի վճարային տերմինալներով կանխիկ մուտքագրված գումարները քարտի վրա հասանելի են լինում անմիջապես, իսկ հաշվին` հաջորդ աշխատանքային օրը: Բանկի այլ հաշիվներից Քարտային հաշվին փոխանցումը քարտի վրա հասանելի է դառնում, որպես կանոն, մինչև 30 (երեսուն) րոպեի ընթացքում (ArCa պրոցեսինգային կենտրոնում տեխնիկական կամ ծրագրային խնդիրների բացակայության դեպքում):
   • Այլ բանկերի և կազմակերպությունների կանխիկի մուտքագրման սարքավորման հնարավորություններն ու սահմանափակումները՝ կապված մուտքագրվող գումարի արժույթի, թղթադրամի արժողության/տեսակի հետ և այլն, սահմանվում են տվյալ սարքավորման սպասարկող կազմակերպության և (կամ) վճարահաշվարկային համակարգի կողմից, և նման տեղեկատվությունը, որպես կանոն, ներկայացված է տվյալ կազմակերպության և (կամ) վճարահաշվարկային համակարգի պաշտոնական ինտերնետային կայքում կամ այդ սարքավորման վրա:
3. 3. Քարտային հաշվից կանխիկացում
   • Քարտապանը կանխիկացման գործառնությունները կարող է իրականացնել բանկոմատների (ATM) կամ POS-տերմինալների միջոցով, տվյալ կետի կողմից տվյալ վճարահաշվարկային համակարգի քարտերի ընդունման պարագայում:
   • Կանխիկացման գործառնություններ իրականացնելիս կանխիկացման միջնորդավճարը կարող է հաշվարկվել և գումարվել պահանջվող գումարին հավաստագրման հարցում իրականացնելիս, ընդ որում, տվյալ դեպքում գործարքի իրականացումը կարող է մերժվել, եթե պահանջվող գումարի և դրա միջնորդավճարի հանրագումարը գերազանցում է հավաստագրման կամ վճարային սահմանաչափերը:
   • Այլ բանկերի բանկոմատներում կամ կանխիկացման կետերում կանխիկացման գործարքներ իրականացնելիս այն սպասարկող բանկը կարող է սահմանել կանխիկացման լրացուցիչ միջնորդավճարներ (բացի Բանկի միջնորդավճարից) կամ արտարժույթի առուվաճառքի փոխարժեքներ (Բանկը խորհուրդ է տալիս Քարտապանին, այլ բանկերի բանկոմատներում կամ կանխիկացման կետերում կանխիկացման գործարքներ իրականացնելիս տեղեկանալ տվյալ բանկի սակագներին):
   • Բանկը պատասխանատվություն չի կրում այլ բանկերի բանկոմատների միջոցով կանխիկացման գործառնությունների համար գանձված այլ կազմակերպությունների սահմանած լրացուցիչ միջնորդավճարների համար:
   • Գործարքի գումարը Վճարային քարտից ելքագրվում կամ մուտքագրվում է (C2C) անմիջապես, իսկ Քարտային հաշվում հաշվառվում է, որպես կանոն, հետևյալ ժամկետներու
   • ArCa համակարգում կատարված գործարքների դեպքում հաջորդ աշխատանքային օրը,
   • ArCa համակարգից դուրս կատարված գործարքների դեպքում 2-5 աշխատանքային օր հետո:
   • Բանկոմատներից և կանխիկացման կետերից կանխիկացման գործարքներ իրականացնելու նկատմամբ սահմանվում է մեկ օրվա ընթացքում կատարվող կանխիկացման գործարքի/ների առավելագույն Վճարային սահմանաչափը և քանակը.

• Սահմանված սահմանաչափերը գերազանցող չափով գումարի կանխիկացման համար անհրաժեշտ է Բանկ ներկայացնել համապատասխան դիմում:
• ՀՀ տարածքում բանկոմատների միջոցով կանխիկացման և կանխիկի մուտքագրման գործառնություններն իրականացվում են ՀՀ դրամով:
• ՀՀ տարածքից դուրս գտնվող այլ բանկերի կանխիկացման կետերում կանխիկացման գործառնություններն իրականացվում են տվյալ բանկի կողմից առաջարկվող արժույթներով

Անկանխիկ վճարումների իրականացում

• Քարտապանը Վճարային Քարտերով անկանխիկ վճարումներ կարող է իրականացնել տերմինալների, բանկոմատների և բանկային ինքնասպասարկման այլ սարքերի, EvocaTouch հավելվածի, էլեկտրոնային դրամապանակների, այլ մոբայլ հավելվածների միջոցով և ինտերնետ միջավայրում (վիրտուալ տերմինալների միջոցով` տվյալ կետի կողմից տվյալ վճարահաշվարկային համակարգի քարտերի ընդունման պարագայում):
• Անկանխիկ վճարումների իրականացման դեպքում գործարքի թույլտվությունը Քարտապանի կողմից կարող է տրվել PIN ծածկագրի մուտքագրման, առևտրային անդորրագրի ստորագրման միջոցով կամ ոչ երես առ երես գործառնությունների դեպքում, ինչպես նաև ստացված OTP գաղտնաբառի մուտքագրմամբ:
• Երես առ երես անկանխիկ գործառնությունների իրականացման ժամանակ կարող է պահանջվել անձը հաստատող փաստաթուղթ (անձնագիր կամ նույնականացման քարտ):
• Վճարային Քարտով կատարված գործարքները հաստատող փաստաթղթերի՝ Բանկում առկա պատճենները Քարտապանը կարող է ստանալ Բանկից` համաձայն Բանկի սակագների:

1. Վճարային Քարտով գործարքները հնարավոր է իրականացնել ինչպես Քարտային հաշվի արժույթով, այնպես էլ Քարտային հաշվի արժույթից տարբերվող արժույթով:
2.  Հաշվի արժույթով կատարված գործարքի դեպքում գործարքի գումարը Քարտային հաշվից գանձվում առանց փոխարկման՝ նույն արժույթով:
3.  Եթե Քարտով կատարված գործարքի արժույթը տարբեր է Քարտային հաշվի արժույթից, ապա գործարքի ձևակերպման ժամանակ գործարքի գումարը փոխարկվում է Քարտային հաշվի արժույթի:
4. ԱրՔա պրոցեսինգային կենտրոնի շրջանակներում, եթե քարտով կատարվում է գործարք, որի արժույթը տարբերվում է քարտային հաշվի արժույթից, ապա այդ գործարքի փոխարկումն իրականացվում է հետևյալ կարգով՝

• Գործարքի կատարման պահին (օնլայն գործարքի պահին) փոխարկման համար հիմք է հանդիսանում.

  ՀՀ Կենտրոնական բանկի կողմից հրապարակված արժութային շուկայում ձևավորված գործարքի գումարի առքի կամ վաճառքի փոխարժեքը՝ նվազեցվելով կամ ավելացվելով ԱրՔա պրոցեսինգային կենտրոնի կողմից տվյալ արժույթի համար սահմանված տոկոսային շեղումը:

• Գործարքի հաշվեգրման պահին (հետագա փաստացի գանձման ժամանակ).

  Կատարվում է գործարքի վերահաշվարկ՝ հաշվի առնելով հաշվեգրման օրվան նախորդող աշխատանքային օրվա դրությամբ Բանկի կողմից սահմանված առքի կամ վաճառքի վերջին փոխարժեքները, որոնք կիրառվում են Բանկի կողմից քարտային գործարքների համար։

ԱրՔա պրոցեսինգային կենտրոնի շրջանակներից դուրս՝ Visa, Mastercard և UnionPay վճարային համակարգերում իրականացված գործարքների դեպքում արժույթի փոխարկումները կատարվում են հետևյալ հաջորդականությամբ․

• Հավաստագրում

  Քարտային հաշվի արժույթից տարբերվող արժույթով կատարված գործարքի գումարը փոխարկվում է Քարտի արժույթով՝ հիմք ընդունելով ՀՀ Կենտրոնական բանկի կողմից գործարքի օրվա դրությամբ սահմանված փոխարժեքները՝ նվազեցվելով կամ ավելացվելով ԱրՔա պրոցեսինգային կենտրոնի կողմից տվյալ արժույթի համար սահմանված տոկոսային շեղումը:

• Հաշվանցում

  Այն դեպքերում, երբ միջազգային վճարահաշվարկային համակարգերի միջոցով կատարված գործարքի արժույթը տարբերվում է ԱՄՆ դոլարից (Visa համակարգի դեպքում՝ նաև եվրոյից), գործարքի հաշվանցման ժամանակ իրականացվում է հետևյալ փոխարկումը․

  • Գործարքի գումարը նախ վերահաշվարկվում է ԱՄՆ դոլարի՝ տվյալ վճարահաշվարկային համակարգի (Visa, Mastercard, UnionPay և այլն) կողմից գործարքի օրվա դրությամբ սահմանված փոխարժեքով։
  • Արժույթի փոխարկման արդյունքում՝ գործարքի գումարը ԱՄՆ դոլարի փոխարկելու համար գանձվում է միջնորդավճար, որը կազմում է գործարքի գումարի 2 (երկու) տոկոսի չափով։
    
    
• Քարտային հաշվից ելքագրում

  Վճարային համակարգերից ստացված գործարքի գումարը, որն արտահայտված է ԱՄՆ դոլարով (Visa համակարգի դեպքում՝ նաև եվրոյով), փոխարկվում է Քարտային հաշվի արժույթով և ելքագրվում է Քարտային հաշվից՝ հաշվի առնելով գործարքի հաշվեգրման օրվան նախորդող աշխատանքային օրվա դրությամբ Բանկի կողմից քարտային գործարքների համար սահմանված  առքի կամ վաճառքի վերջին փոխարժեքները:

• Գործարքների հաշվանցման ընթացքում իրականացված արժութային փոխարկումների արդյունքում առաջացած փոխարժեքների տարբերություններից պատճառված հնարավոր վնասների համար Բանկը պատասխանատվություն չի կրում։

1. Քարտապանի կողմից Վճարային Քարտը սխալ օգտագործելու դեպքում (օրինակ` 3 անգամ սխալ PIN ծածկագիրը հավաքելու կամ Քարտը Բանկոմատում մոռանալու և այլ դեպքերում) այն կարող է առգրավվել բանկոմատի կողմից:
2. Եթե Բանկոմատի միջոցով քարտով գործարք կատարելիս Վճարային Քարտը Բանկոմատում առգրավվել է, և Վճարային Քարտի առգրավման պատճառի մասին որևէ հաղորդագրություն չի արտացոլվում էկրանին կամ անդորրագրի վրա, Քարտապանը պետք է անմիջապես զանգահարի Բանկ և համոզվի, որ քարտը բլոկավորվել է։ Եթե քարտը չի բլոկավորվել, անհրաժեշտ է անհապաղ բլոկավորել այն։
3. Վճարային քարտը Բանկոմատի կողմից առգրավվելու դեպքում անհրաժեշտ է դիմել Բանկ SMS հաղորդագրություն ստանալուց հետո:
4. Առգրավված Վճարային Քարտը բլոկավորված չլինելու  դեպքում, Քարտապանը մոտենում է Բանկ և ներկայացնելով անձը հաստատող փաստաթուղթ (անձնագիր կամ նույնականացման քարտ)` ստանում է Վճարային Քարտը:
5. Վճարային Քարտը բլոկավորված լինելու դեպքում, Քարտապանը ներկայացնում է ապաբլոկավորման դիմում:
6. Բանկը բռնագանձում է Վճարային Քարտը, եթե հայտնաբերի Վճարային Քարտի գողացած լինելու, Քարտապանի կողմից այն անօրինական օգտագործելու փաստը կամ Քարտապանի կողմից Քարտային պայմանագրի դրույթների և այլ օրինական պահանջների խախտման դեպքում:

1. Քարտապանը կարող է բլոկավորել իր Վճարային Քարտը՝ Վճարային Քարտը գողանալու, կորստի, վնասվելու և այլ դեպքերում, այցելելով Բանկ կամ զանգահարելով Բանկի (+374 10) 605555 կամ «Արմենիան Քարդ» պրոցեսինգային կենտրոնի (+374 10) 592222 հեռախոսահամարներով` հայտնելով Վճարային Քարտի ստացման հայտ-պայմանագրի/դիմումի մեջ իր կողմից նշված գաղտնաբառը:
2. Քարտապանը կարող է բլոկավորել կամ ապաբլոկավորել իր Վճարային Քարտը «EvocaTouch» հավելվածի միջոցով` ներկայացնելով համապատասխան հայտ:
3. Բանկը պատասխանատվություն չի կրում Քարտապանին հասցրած այն վնասի համար, որը կատարվել է քարտը կորցնելու և այդ մասին Բանկին հայտնելու միջև ընկած ժամանակահատվածում:
4. Վճարային Քարտի կորստի, գողության, զեղծարարության (կամ կասկածի) մասին Բանկին տեղեկացնելուց հետո քարտով իրականացված՝ հավաստագրում չպահանջող գործարքների, այդ թվում՝ ինտերնետ միջավայրում կատարված գործարքների համար պատասխանատվությունը կրում է Քարտապանը: Առանց հավաստագրման կատարված գործարքների բողոքարկումը հնարավոր դարձնելու համար Քարտապանի համապատասխան դիմումի հիման վրա Բանկը տվյալ վճարահաշվարկային համակարգի կանոններով սահմանված ժամկետում քարտը ներառում է առաջիկա Stop-ցուցակում՝ համաձայն Բանկի սակագների:
5. Քարտապանը պարտավոր է հատուցել Վճարային Քարտի կորստի, գողության, զեղծարարության (կամ կասկածի) մասին Բանկին չտեղեկացնելու, ինչպես նաև մինչև Բանկին տեղեկացնելը երրորդ անձանց կողմից քարտի օգտագործման հետևանքով Բանկի կրած ծախսերը, կորուստները և վնասները:
6. Վճարային Քարտի կորստի, գողության, զեղծարարության (կամ կասկածի) դեպքում խորհուրդ է տրվում վերաթողարկել քարտը: Եթե Քարտապանը ցանկանում է շարունակել օգտագործել նման քարտը, ապա պետք է Բանկ ներկայացնի քարտի ապաբլոկավորման դիմում: Այս դեպքում քարտի օգտագործման հետ կապված հնարավոր կորուստների և վնասների համար պատասխանատվությունը կրում է Քարտապանը:

1. Վճարային քարտի օգտագործման ժամկետը լրանալուց առաջ քարտապանը դիմումի համաձայն կարող է վերաթողարկել այն:
2. Վճարային քարտի ժամկետի ավարտից հետո այն չի վերաթողարկվում, եթե քարտի գործողության ժամկետի լրացմանը նախորդող 10 (տաս) օրվա ընթացքում քարտապանը չի տեղեկացրել իր վճարային քարտը վերաթողարկելու ցանկության մասին:
3. Վերաթողարկված քարտը քարտապանին է տրամադրվում ոչ ուշ, քան հին քարտի ժամկետի ավարտից 5 (հինգ) աշխատանքային օրվա ընթացքում:
4. Վերաթողարկում իրականացվում է նաև վճարային քարտի կամ PIN ծածկագրի կորստի, վնասվելու և քարտապանի ցանկությամբ այլ դեպքերում՝ համաձայն դիմումի:

1. Վճարային Քարտով կամ դրա ռեկվիզիտների կիրառմամբ ցանկացած գործարքի կատարման և գործարքի հետ կապված խնդիրների (վճարային քարտի չվերադարձ, թղթադրամի չտրամադրում և այլն) առաջացման դեպքում Քարտապանը կարող է բողոքարկել` համաձայն դիմումի:
2. Քարտապանը Բանկին քարտային գործառնության վերաբերյալ իր բողոքը կարող է ներկայացնել Վճարային Քարտի քաղվածքը ստանալուց հետո, 30 օրվա ընթացքում՝ ներկայացնելով քարտով կատարված գործարքները հիմնավորող փաստաթղթեր: Նշված ժամկետում գործարքի/ների դիմաց բողոքարկում չստանալու դեպքում այդ գործարքը/ները համարվում են Քարտապանի կողմից ընդունված և այլևս բողոքարկման ենթակա չեն:
3. Ներկայացված դիմումը Բանկի կողմից ուսումնասիրվում է առավելագույնը 5 (հինգ) աշխատանքային օրվա ընթացքում:
4. Դիմումի հիման վրա  Բանկը իրականացնում է հետգանձման գործընթաց, որի արդյունքում  բավարարում է  Քարտապանի բողոքարկման դիմումը, եթե այն  արդարացի է: Բանկը այլ բանկից հատուցում ստանալուց հետո՝  առավելագույնը 4 (չորս) աշխատանքային օրվա ընթացքում իրականացնում է Քարտապանի հաշվի մնացորդի վերականգնում:
5. Եթե Քարտապանը համաձայն չէ Բանկի կայացրած որոշման հետ, ապա գործընթացն իրականացվում է համաձայն Բանկում գործող «Հաճախորդների կողմից ներկայացված բողոքների կառավարման» կարգի պահանջների:
6. Քարտապանի կողմից Բանկին անհիմն Գործարքի բողոքարկման դիմումների ներկայացման համար Բանկի սակագներով կարող են սահմանվել տուգանքներ:

1. Քարտապանին տեղեկատվություն տրամադրվում է հեռախոսազանգերի միջոցով (նախապես Գաղտնաբառի միջոցով նույնականացնելով նրան), ինչպես նաև Քարտային հաշվի քաղվածքի միջոցով:
2. Վճարային Քարտով իրականացվող գործառնությունների վերաբերյալ Քարտային հաշվի քաղվածքը Բանկը տրամադրում է Քարտապանի կողմից նախընտրելի եղանակով (էլեկտրոնային փոստով, նշված հասցեով կամ Բանկի տարածքում առձեռն), նվազագույնը մեկամսյա պարբերականությամբ:
3. Քարտային հաշվի քաղվածքը չի ներառում հավաստագրված կամ չհավաստագրված դեռևս Բանկի կողմից չհաշվանցված գործարքը: Արդյունքում հնարավոր է տարբերություն իրական մնացորդի և քաղվածքում ներկայացված մնացորդի միջև:
4. Քարտապանի ցանկության դեպքում Քարտային հաշվի մնացորդի վերաբերյալ կարող է տրամադրվել տեղեկանք: Տեղեկանքը տրամադրվում է հայտի ներկայացման նույն օրը, սակայն տեղեկանքում նշվում է հայտի ներկայացմանը նախորդող գործառնական օրվա ավարտի դրությամբ հաշվի մնացորդը: Եթե Քարտապանը ցանկանում է ստանալ Քարտային հաշվի մնացորդի վերաբերյալ տեղեկանք հայտի ներկայացման օրվա դրությամբ, ապա տեղեկանքը տրամադրվում է հայտի ներկայացման հաջորդ օրը:
5. Քարտապանի կողմից Վճարային քարտի պատվիրման Հայտ-պայմանագրով SMS տեղեկացումների վերաբերյալ նշում չկատարելը Բանկի կողմից դիտարկվում է որպես դրանց ստացման համար տրված համաձայնություն: Քարտապանն իրավունք ունի հրաժարվել SMS տեղեկացումների ծառայությունից համաձայն դիմումի: SMS տեղեկացման ծառայությունը թույլ է տալիս Քարտապանին ցանկացած հավաստագրման մասին ստանալ SMS հաղորդագրություն: Հաշվի առնելով այն, որ Վճարային քարտերով գործառնությունների մեծամասնությունն իրականացվում է հավաստագրում ստանալուց հետո, Քարտապանը հնարավորություն ունի արդյունավետ կերպով և ժամանակի իրական ռեժիմում տեղեկանալ ցանկացած հավաստագրվող գործարքի իրականացման մասին: Ծառայությունը հատկապես կարևոր է Վճարային Քարտի զեղծարար օգտագործումը կանխելու համար: Քարտային հաշվով գործառնությունների վերաբերյալ SMS տեղեկացման ծառայությունը թույլ է տալիս նաև վերահսկել անմիջապես Քարտապանի Քարտային հաշիվը: Ծառայության միջոցով Քարտապանը կարող է տեղեկանալ Քարտային հաշվի մնացորդի, Քարտային հաշվի ելքերի և մուտքերի մասին: SMS տեղեկացման ծառայության ակտիվացման դեպքում գործում է ինտերնետի միջոցով գործարքներ կատարելու առավել անվտանգ՝ 3D Secure համակարգը: Այն նվազեցնում է online վճարումների կայքերում քարտով զեղծարարություններ կատարելու ռիսկերը: Քարտապանը համաձայն դիմումի կարող է ակտիվացնել USSD-ծառայությունը, որը հնարավորություն է տալիս Քարտապանին` iOS կամ Android օպերացիոն համակարգով գործող սմարթֆոնի միջոցով իրականացնել մնացորդի  հարցում,  մինի-քաղվածքի հարցում (մինչև 4-5 վերջին գործարքներ), քարտի բլոկավորում (Lost Card կարգավիճակ):

1. Վճարային Քարտի փակումն իրականացվում է, եթե Քարտապանը ցանկանում է Վճարային Քարտի գործողության ժամկետը լրանալուց շուտ փակել իր Վճարային Քարտը՝ համաձայն դիմումի կամ Վճարային Քարտի ժամկետի ավարտի (եթե Քարտապանը չի ցանկանում այն երկարաձգել կամ Վճարային Քարտը վերաթողարկել) և սույն պայմանների 6.8.2 կետի երկրորդ պարբերությամբ սահմանված դեպքում:
2. Առանձին դեպքերում Վճարային քարտի փակման համար կարող է սահմանվել սակագին համաձայն Բանկի սակագների և դրույքների:
3. Պայմանագրի դադարեցման դեպքում հաճախորդը պարտավորություն է կրում նաև այն գործարքների հետևանքով պարտավորությունների առաջացման դեպքում վճարման համար, որոնք կատարվել են նախքան Պայմանագրի դադարեցումը:
4. Վճարային քարտը հանդիսանում է Բանկի սեփականությունը: Վճարային քարտի փակման դեպքում Քարտապանը պարտավոր է վերադարձնել այն Բանկ:

Հարգելի Հաճախորդ,

«ԷՎՈԿԱԲԱՆԿ» ՓԲԸ-ն Հայաստանի Հանրապետության և Ամերիկայի Միացյալ Նահանգների միջև «Օտարերկրյա հաշիվների հարկային համապատասխանության ակտի» կիրարկմանն օժանդակելու համագործակցության մասին համաձայնագրի պահանջներից ելնելով իրավասու է հաճախորդներից պահանջել լրացուցիչ տեղեկատվություն, մասնավորապես հաճախորդներից պահանջվում է լրացնել վերջիններիս ԱՄՆ անձ կարգավիճակի նույնականացման համար պահանջվող հետևյալ ձևաթղթերը՝ Իրավաբանական անձ հաճախորդների ինքնահայտարարագրման ձև` Մոդել 2-ի համաձայն (FATCA) կամ Ֆիզիկական անձ (ներառյալ անհատ ձեռնարկատեր) հաճախորդների ինքնահայտարարագրման ձև FATCA նպատակների համար

1. Բանկն իրավունք ունի հնարավոր զեղծարարությունների բացահայտման համար իրականացնել Քարտապանի քարտային գործարքների մոնիտորինգ։
2. Բանկն իրավունք ունի հնարավոր զեղծարարությունների կանխարգելման նպատակով լրացուցիչ տեղեկատվություն կամ հավաստիացում ստանալու նպատակով իրականացնել հեռախոսազանգեր Քարտապանին։

Բանկը պատասխանատվություն չի կրում՝

1. Հաճախորդի անհասանելիության կամ հաճախորդի կողմից տեղեկատվություն չտրամադրելու հետևանքով վերջինիս կրած վնասների համար։
2. Երրորդ անձանց կողմից մատուցվող և շահագործվող կապուղիների կամ ցանցերի, էլեկտրամատակարարման համակարգերի կամ սարքավորումների խափանումների հետևանքով Քարտապանի կրած վնասների համար,
3. Առևտրային կետերի կողմից առանց PIN-ծածկագրի մուտքագրման գործարքների մերժման հետևանքով Քարտապանի կրած վնասների համար,
4. Առևտրային կամ սպասարկման կետերի կողմից քարտով իրականացվող գործարքի իրավաչափության ստուգման նպատակով կատարված գործողությունների հետևանքով Քարտապանի կրած վնասների համար,
5. Քարտով իրականացված գործարքների գծով երրորդ անձանց կողմից կիրառված միջնորդավճարների համար,
6. Առևտրային և սպասարկման կետերի կողմից գործարքների գծով սահմանված լրացուցիչ անվտանգային սահմանաչափերի կիրառման հետևանքով Քարտապանի կրած վնասների համար,
7. NFC հնարավորությամբ քարտերի կիրառման հետևանքով քարտի տվյալները երրորդ անձանց հայտնի դառնալու հետևանքով Քարտապանի կրած կորուստների համար:

1. Մոբայլ (NFC) վճարումները Բանկի բջջային հավելվածի (այսուհետ` Հավելված) կամ մոբայլ սարքի վրա տեղադրված այլ ընկերության կողմից տրամադրվող համակարգի (այսուհետ` Համակարգ) միջոցով անհպում վճարումներ են, որոնց իրականացման համար անհրաժեշտ է Հավելվածում կամ Համակարգում կցել քարտը` ստեղծելով քարտի թոքենացված համարժեքը (այսուհետ` թոքենացված քարտ):
2. Մոբայլ (NFC) վճարումները Բանկի բջջային հավելվածի (այսուհետ` Հավելված) կամ մոբայլ սարքի վրա տեղադրված այլ ընկերության կողմից տրամադրվող համակարգի (այսուհետ` Համակարգ) միջոցով (Apple Pay, Google Pay) անհպում վճարումներ են, որոնց իրականացման համար անհրաժեշտ է Հավելվածում կամ Համակարգում կցել քարտը` ստեղծելով քարտի թոքենացված համարժեքը (այսուհետ` թոքենացված քարտ):
3. Հաճախորդը միևնույն քարտը կարող է թոքենացնել տարբեր մոբայլ սարքերի վրա տեղադրված Հավելվածներում (ստեղծելով մեկից ավելի թոքեն) կամ Համակարգերում` նույն քարտի համար ստեղծելով առավելագույնը 10 թոքեն:
4. Հավելվածում քարտի թոքենացումը հնարավոր է բացառապես այն դեպքում, եթե մոբայլ սարքն ունի ապաբլոկավորման ակտիվացված պաշտպանիչ որևէ հնարավորություն (մատնահետք, դեմքով նույնականացում, PIN կամ այլ):
5. Համակարգը գործում է IOS օգտատերերի` IOS13 և բարձր օպերացիոն համակարգերով մոբայլ սարքերի համար, և Android օգտատերերի` 10.2 և բարձր օպերացիոն համակարգերով մոբայլ սարքերի համար, որոնք ունեն NFC տեխնոլոգիայի կիրառման հնարավորություն:
6. Քարտի թոքենացման գործընթացում հաճախորդի քարտի տվյալների անվտանգությունը երաշխավորված է` համապատասխան վճարային համակարգի կողմից սահմանված կանոնների համաձայն։
7. Հնարավոր է թոքենիզացնել Բանկի կողմից թողարկված Visa տեսակի բոլոր քարտերը, ինչպես նաև Mastercard տեսակի քարտերը` բացառությամբ Cirrus Maestro տեսակի։
8. Մոբայլ (NFC) վճարումները կարող են իրականացվել աշխարհի բոլոր առևտրի կետերում, որտեղ սպասարկվում են համապատասխան վճարային համակարգի քարտեր և որտեղ տեղադրված են անհպում սպասարկող POS տերմինալներ:
9. Մոբայլ (NFC) վճարում կատարելու համար անհրաժեշտ է ապաբլոկավորել հեռախոսը` օգտագործելով հեռախոսի ապաբլոկավորման պաշտպանիչ մեթոդը (մատնահետք, դեմքով նույնականացում, PIN կամ այլ) և սմարթֆոնը մոտեցնել POS տերմինալին:
10. Թոքենացված քարտով կատարված գործարքները հավասարազոր են ֆիզիկապես քարտով կատարված գործարքներին, և Քարտապանը իր կողմից թոքենացված քարտով կատարված վճարումների համար կրում է սույն Պայմաններով սահմանված նույն պատասխանատվությունը, ինչը գործում է ֆիզիկապես քարտով կատարված գործարքների համար։
11. Մինչև քարտի թոքենացումը Հավելվածում կամ Համակարգում Քարտապանը պարտավոր է համոզվել, որ մոբայլ սարքում կամ Հավելվածում գրանցված են միայն իր նույնականացման տվյալները (մատնահետք, դեմքով նույնականացում, PIN կամ այլ), քանի որ միայն վերջիններս են հաշվի առնվելու թոքենացված քարտով կատարվող գործարքների հաստատման համար:
12. Հավելվածը գործում է նաև առանց ինտերնետի հասանելիության` պայմանով, որ կատարված է թոքենացված քարտի բանալիների փոխանակում: Ինտերնետի հասանելիության առկայության յուրաքանչյուր 27-րդ (քսանյոթերորդ) օրը ինքնաշխատ կերպով կատարվում է թոքենացված քարտի բանալիների փոխանակում (թոքենների համարների վերալիցքավորում): Ուստի թոքենացված քարտով վճարումներ իրականացնելու համար անհրաժեշտ է առնվազն 27 (քսանյոթ) օրը մեկ ունենալ ինտերնետին հասանելիություն:
13. Եթե նախապես իրականացվել է քարտի թոքենիզացում, ապա թոքենով հնարավոր է կատարել գործարք նույնիսկ առանց ինտերնետի առկայության: Ինտերնետի հասանելիության առկայության յուրաքանչյուր 27-րդ (քսանյոթերորդ) օրը ինքնաշխատ կերպով կատարվում է թոքենացված քարտի բանալիների փոխանակում (թոքենների համարների վերալիցքավորում): Ուստի թոքենացված քարտով վճարումներ իրականացնելու համար անհրաժեշտ է առնվազն 27 (քսանյոթ) օրը մեկ ունենալ ինտերնետին հասանելիություն:
14. Թոքենացված քարտով կատարված գործարքների բողոքարկման կարգը նույնն է, ինչ սույն պայմաններով սահմանված` ֆիզիկական քարտով կատարված գործարքների դեպքում։
15. Թոքենիզացված քարտերի տվյալներով սարքը կորցնելու, նույնականացման (աուտենտիֆիկացման) կամ թոքենացված քարտի տվյալները գողանալու կամ այլ անձանց հասանելի դառնալու դեպքում թոքենացված քարտի բլոկավորման նպատակով անհրաժեշտ է անհապաղ կապ հաստատել Բանկի հետ։ Ընդ որում, նշված պահանջը չկատարելու դեպքում թոքենացված քարտերով կատարված գործարքների համար Բանկը որևէ պատասխանատվություն չի կրում:
16. Եթե ֆիզիկական քարտը բլոկավորված է Բանկի կողմից, ապա այդ քարտի թոքենացված քարտով գործարք հնարավոր չէ իրականացնել: Այն դեպքերում, երբ քարտը բլոկավորվում է քարտապանի կողմից, տվյալ քարտի թոքենիզացված քարտով գործարքների իրականացումը հնարավոր է:
17. Քարտապանի կողմից թոքենացված քարտի բլոկավորման դեպքում ֆիզիկական քարտը չի բլոկավորվում:
18. Սույն պայմանների թոքենացված քարտին վերաբերող դրույթները կիրառվում են միայն Քարտապանի կողմից քարտի թոքենացման և թոքենացված քարտի կիրառման առումով: Մոբայլ սարքի և Համակարգի մատակարարը, բջջային օպերատորը և Համակարգին միացված այլ կայքերը և ծառայություն մատուցող երրորդ անձինք ունեն իրենց սեփական պայմանագրերը և պայմանները, որոնց Քարտապանը պետք է հետևի և միայն այդ պայմանների և պայմանագրերով սահմանված կարգավորումների ընդունելի լինելու պարագայում այդ անձանց տրամադրի անձնական տվյալներ, օգտվի դրանց ծառայություններից կամ այցելի համապատասխան կայքեր:
19. Քարտապանը պարտավոր է մինչև Համակարգում քարտի թոքենացումը ծանոթանալ ներգրավված երրորդ անձանց հետ պայմանագրերի պայմաններին:

• Մի՛ տեղադրեք Ձեր քարտի տվյալները կասկածելի կայքերում: Սոցիալական ցանցերում հղումները ավտոմատ տանում են մի տեղ, որտեղ մեկ հպումով/քլիկով կարող եք նրանց տրամադրել Ձեր անձնական ողջ տեղեկատվությունը: Օգտվե՛ք այնպիսի կայքերից, որոնք սկսվում են https:// գրառումով, քանզի վերջին s տառը կայքի ապահովության երաշխիքն է (secure): Ստուգե՛ք, ապա նոր վստահեք:
• Մի՛ տրամադրեք այլ անձանց Ձեր անձնական (անուն, ազգանուն, ծննդյան օր,ամսաթիվ և/կամ հասցե) կամ քարտի, (այդ թվում՝ PIN-կոդը) տվյալները: Եթե ​​Ձեզ զանգահարող անձը ներկայանում է որպես բանկի աշխատող, ապա նրա հետ ստուգե՛ք Ձեր հաշվի վերաբերյալ տեղեկությունները:
• Երբեք մի՛ պատասխանեք կասկածելի sms հաղորդագրություններին: Ստուգե՛ք հեռախոսահամարը, որից եկել է հաղորդագրությունը: Եթե ​​դա Բանկից է՝ զանգահարե՛ք Բանկի շուրջօրյա գործող կոմունիկացիոն կենտրոն 010-605555 հեռախոսահամարով և պարզաբանե՛ք Ձեզ հուզող հարցերը:
• Խուսափե՛ք անհայտ անձանց կամ անծանոթ կազմակերպություններին անձնական տվյալներ տրամադրելուց. ո՛չ հեռախոսազանգով, ո՛չ նամակով կամ էլ. փոստով, ո՛չ սոցիալական ցանցերով:
• Զերծ մնացե՛ք միջնորդ կազմակերպությունների կամ անհատների կողմից մատուցվող ծառայությունների օգնությունից, մի՛ տրամադրեք Ձեր անձնական տվյալները, անձը հաստատող փաստաթղթերը, մոբայլ հավելվածի տվյալները երրորդ անձանց կամ կազմակերպություններին` ձեր փոխարեն լրացնելու վարկային հայտեր կամ ձեռք բերելու բանկային ծառայություններ` հեռահար հաղորդակցության միջոցների կիրառմամբ: