Բիզնես վերլուծաբան

Աշխատատեղի նկարագրություն` 

Evoca-ն  փնտրում է Բիզնես վերլուծաբան, ով պատասխանատու կլինի բիզնես գործընկերների հետ համագործակցության համակարգման, սակագնային քաղաքականության վերլուծության, եկամտաբերության գնահատման և պայմանագրային հարաբերությունների արդյունավետ կառավարման համար՝ ապահովելով բանկի շահութաբերության և մրցունակության բարձրացումը:

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):

Աշխատանքային պարտականություններ`

• համակարգել և զարգացնել բանկի բիզնես գործընկերների հետ հարաբերությունները` վճարային համագործակցությունների ուղղությամբ,
• վերլուծել գործընկերների հետ համագործակցության արդյունավետությունը՝ գնահատելով եկամուտները, ծախսերը և շահութաբերությունը,
• մշակել և պարբերաբար վերանայել սակագնային քաղաքականությունը՝ իրականացնելով մրցակցային վերլուծություն,
• մասնակցել պայմանագրերի մշակմանը, վերանայմանը և համաձայնեցման գործընթացներին,
• վերլուծել շուկայի միտումները և մրցակիցների առաջարկները,
• առաջարկել նոր բիզնես մոդելներ և համագործակցության ձևաչափեր,
• վերահսկել գործընկերների հետ կապված ֆինանսական հոսքերը և կատարողական ցուցանիշները,
• պատրաստել հաշվետվություններ ղեկավարության համար (KPI-ներ, շահութաբերություն, միտումներ),
• համագործակցել ներքին ստորաբաժանումների հետ (իրավաբանական, ռիսկերի, ֆինանսների և այլն),
• մասնակցել նոր պրոդուկտների և ծառայությունների մշակման և ներդրման գործընթացներին՝ գործընկերների հետ համագործակցության շրջանակում:

Ներկայացվող պահանջներ`

• բարձրագույն կրթություն տնտեսագիտության, ֆինանսների, բիզնես կառավարման կամ հարակից ոլորտում,
• առնվազն երկու տարվա աշխատանքային փորձ բիզնես վերլուծության, ֆինանսների կամ բանկային ոլորտում,
• վերլուծական մտածողություն և տվյալների հետ աշխատելու կարողություն,
• ֆինանսական մոդելավորման և հաշվարկների իրականացման հմտություններ,
• գործարար հաղորդակցման և արդյունավետ համագործակցության կարողություն,
• բանակցությունների վարման և շահերի ներկայացման հմտություններ,
• մանրուքների նկատմամբ բարձր ուշադրություն և ճշգրտություն,
• ժամանակի արդյունավետ կառավարման և առաջնահերթությունների ճիշտ սահմանման կարողություն:

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Բիզնես վերլուծաբան»։