Դատաիրավական բաժնի ղեկավար

Աշխատատեղի նկարագրություն` 

Evoca-ն  փնտրում է Դատաիրավական բաժնի ղեկավար, ով պատասխանատու կլինի Իրավաբանական վարչության՝ Դատաիրավական բաժնի աշխատանքների համակարգման, դատավարական փաստաթղթերի կազման, դատարաններում, իրավապահ մարմինների և այլ պետական մարմինների հետ փոխհարաբերությունների կարգավորման, ինչպես նաև քրեական և վարչական վարույթի շրջանակներում՝ Բանկի ներկայացուցչության ապահովման համար:

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):

Աշխատանքային պարտականություններ`

• քաղաքացիական, վարչական, քրեական և սնանկության գործերով Բանկի շահերի ներկայացում,
• արբիտրաժային դատարանում Բանկի շահերի ներկայացում,
• հայցադիմումների, վերաքննիչ և վճռաբեկ բողոքների կազմում և ներկայացում,
• առարկությունների և միջնորդությունների կազմում և ներկայացում,
• նախաքննական մարմինների և փաստաբանների կողմից ստացված հարցումների և/կամ գրությունների մասով աշխատանքների կազմակերպում,
• բաժնի այլ աշխատանքների համակագրում:

Ներկայացվող պահանջներ`

• բարձրագույն իրավաբանական կրթություն,
• առնվազն 3 տարվա աշխատանքային փորձ բանկային համակարգում,
• փաստաբանական գործունեության արտոնագիր,
• ՀՀ քաղաքացիական դատավարության, ՀՀ քաղաքացիական, ՀՀ վարչական դատավարության օրենսգրքի գերազանց իմացություն,
• ՀՀ սնանկության մասին օրենքի գերազանց տիրապետում,
• ՀՀ քրեական դատավարության օրենսգրքի իմացություն,
• Էլեկտրոնային դատավարություն (E-Justice) համակարգով աշխատելու փորձառություն,
• շարունակական զարգացման և ուսուցման մեծ ցանկություն,
• արագ փոփոխվող միջավայրում արդյունավետ աշխատելու կարողություն,
• թիմում աշխատելու ունակություն,
• անգլերենի և ռուսերենի գերազանց իմացություն:

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Դատաիրավական բաժնի ղեկավար»։