Թվային հավելվածների և օնլայն բանկինգի զարգացման մասնագետ

Աշխատատեղի նկարագրություն` 

Evoca-ն փնտրում է Թվային հավելվածների և օնլայն բանկինգի զարգացման մասնագետ, ով կմասնակցի բանկի թվային ալիքների զարգացմանը՝ ապահովելով բջջային հավելվածների և օնլայն բանկինգի ծառայությունների մշակումը, զարգացումը և շարունակական կատարելագործումը, ինչպես նաև կնպաստի նոր թվային հնարավորությունների ներդրմանը և հաճախորդների թվային փորձի բարելավմանը։

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):

Աշխատանքային պարտականություններ`

• Բանկի թվայնացման ռազմավարությանը համապատասխան բջջային հավելվածների և օնլայն բանկինգի ծառայությունների զարգացում,
• բջջային հավելվածների և օնլայն բանկինգի նոր ֆունկցիոնալ հնարավորությունների պլանավորում, մշակում և ներդրում,
• գործող թվային ծառայությունների կատարելագործման և օգտատիրոջ փորձի (User Experience) բարելավման վերաբերյալ առաջարկությունների ներկայացում,
• հաճախորդների կարիքների, շուկայի միտումների և մրցակցային լուծումների ուսումնասիրություն՝ նոր թվային ծառայությունների զարգացման նպատակով,
• բիզնես և ֆունկցիոնալ պահանջների հավաքագրում, վերլուծություն և համաձայնեցում շահագրգիռ ստորաբաժանումների հետ,
• բջջային հավելվածների և օնլայն բանկինգի զարգացման ճանապարհային քարտեզի (Product Roadmap) կազմում և իրականացվող աշխատանքների համակարգում,
• ՏՏ, UX/UI, թեստավորման և այլ ներգրավված թիմերի հետ համագործակցություն՝ լուծումների ժամանակին և արդյունավետ ներդրումն ապահովելու նպատակով,
• թվային հավելվածների և օնլայն բանկինգի ծառայությունների արդյունավետության, օգտագործման ցուցանիշների և հաճախորդների հետադարձ կապի վերլուծություն՝ զարգացման նոր հնարավորությունների բացահայտման նպատակով։

Ներկայացվող պահանջներ`

• բարձրագույն կրթություն տեղեկատվական տեխնոլոգիաների, ֆինանսների, տնտեսագիտության կամ այլ համապատասխան ոլորտում,
• առնվազն 3 տարվա աշխատանքային փորձ թվային պրոդուկտների, բջջային հավելվածների, օնլայն ծառայությունների կամ բանկային պրոդուկտների զարգացման ոլորտում,
• PMP, Product Owner կամ Scrum Master որակավորման առկայությունը կդիտվի որպես առավելություն,
• Product Roadmap-ի մշակման և թվային պրոդուկտների զարգացման փորձ,
• տարբեր շահագրգիռ կողմերի և տեխնոլոգիական գործընկերների հետ արդյունավետ համագործակցելու և նախագծերը համակարգելու փորձ,
• ՀՀ բանկային օրենսդրության, բանկային ծառայությունների իմացությունը կդիտվի որպես առավելություն,
• առաջնահերթություններ սահմանելու և արագ փոփոխվող միջավայրում արդյունավետ աշխատելու կարողություն,
• կազմակերպչական և ղեկավարման զարգացած հմտություններ,
• նախաձեռնողականություն, պատասխանատվության զգացում,
• անգլերենի և ռուսերենի գերազանց իմացություն։

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Թվային հավելվածների և օնլայն բանկինգի զարգացման մասնագետ»։