Քարտային տեխնոլոգիաների և գործառնությունների մասնագետ

Աշխատատեղի նկարագրություն` 

Evoca-ն փնտրում է Քարտային տեխնոլոգիաների և գործառնությունների մասնագետ, ով պատասխանատու կլինի վճարային քարտերի թողարկման, տպագրման, առաքման և լոգիստիկ գործընթացների համակարգման համար։ Մասնակից կլինի քարտային ծառայությունների արդյունավետ կազմակերպմանը, համապատասխանության ապահովմանը և հաճախորդների սպասարկման գործընթացների բարելավմանը։

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):

Աշխատանքային պարտականություններ`

• վճարային քարտերի թողարկման ամբողջ գործընթացի համակարգում՝ ներառյալ նոր քարտերի թողարկումը, վերաթողարկումը և փակումը,
• քարտերի տպագրության համակարգում և իրականացում,
• քարտերի ժամանակին տպագրման և մասնաճյուղեր, գործընկերներ կամ հաճախորդներ առաքման ապահովում,
• քարտերի և էմբոսերի նյութերի պահեստային մնացորդների հսկողություն,
• քարտերի լոգիստիկ գործընթացների համակարգում՝ համագործակցելով առաքման ծառայությունների, մասնաճյուղերի և մատակարարների հետ՝ ապահովելով անվտանգ և ճշգրիտ բաշխումը,
• անվտանգության պահանջներին, բանկի ներքին ընթացակարգերին և միջազգային վճարային համակարգերի պահանջներին համապատասխանության ապահովում,
• քարտերի առաքման հետ կապված խնդիրների բացահայտում և լուծում,
• քարտերի թողարկման, պահեստային մնացորդների և լոգիստիկ գործընթացների վերաբերյալ պարբերական հաշվետվությունների պատրաստում:

Ներկայացվող պահանջներ`

• բարձրագույն կրթություն ֆինանսների, տնտեսագիտության, բիզնես կառավարման կամ հարակից ոլորտներում,
• առնվազն մեկ տարվա աշխատանքային փորձ բանկային ոլորտում, ցանկալի է՝ քարտային գործառնությունների կամ վճարային քարտերի ուղղությամբ,
• քարտային կառավարման համակարգերի և բանկային օպերացիոն հարթակների հետ աշխատանքի փորձ,
• միջազգային քարտային համակարգերի գործընթացների իմացություն (օրինակ՝ Visa, Mastercard),
• վերլուծական մտածողություն և մանրուքներին բարձր ուշադրություն,
• հաղորդակցման և թիմային աշխատանքի լավ հմտություններ,
• Microsoft Office ծրագրերի, մասնավորապես Excel-ի լավ իմացություն,
• հայերենի գերազանց իմացություն, անգլերենի և ռուսերենի իմացությունը կդիտվի որպես առավելություն:

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Քարտային տեխնոլոգիաների և գործառնությունների մասնագետ»։