Պրոդուկտ մարքեթինգ մենեջեր

Աշխատատեղի նկարագրություն` 

Evoca-ն փնտրում է Պրոդուկտ մարքեթինգ մենեջեր, ով պատասխանատու կլինի Բանկի պրոդուկտների մարքեթինգային ռազմավարությունների մշակման և իրականացման, շուկայում դրանց արդյունավետ դիրքավորման, ճանաչելիության բարձրացման և առաջխաղացման համար։

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):

Աշխատանքային պարտականություններ`

• շուկայի ուսումնասիրությունների և մրցակցային վերլուծությունների իրականացում՝ բացահայտելով շուկայում առկա հնարավորություններն ու ռիսկերը, ինչպես նաև հավաքագրելով և վերլուծելով հաճախորդների ու շահագրգիռ կողմերի կարծիքներն ու առաջարկությունները,
• Բանկի պրոդուկտների առաջխաղացման մարքեթինգային ռազմավարությունների մշակում և իրականացում, պրոդուկտների դիրքավորման և հիմնական հաղորդագրությունների սահմանում՝ համագործակցելով պրոդուկտների մշակման և վաճառքի թիմերի հետ,
• պրոդուկտային մարքեթինգային նախագծերի պլանավորում, իրականացում և գնահատում՝ գաղափարի մշակումից մինչև շուկա դուրսբերում, նախագծային պլանների, ժամանակացույցերի և իրականացման հիմնական փուլերի սահմանում,
• գովազդային արշավների և մարքեթինգային նախաձեռնությունների կազմակերպում և իրականացում՝ պրոդուկտների ճանաչելիության և դրանց նկատմամբ պահանջարկի բարձրացման նպատակով, ինչպես նաև արշավների արդյունավետության ցուցանիշների վերլուծություն և օպտիմալացման առաջարկությունների ներկայացում,
• գործընկերների և մատակարարների հետ համագործակցության ապահովում՝ գովազդային նյութերի և գործիքների ժամանակին պատրաստումն ու տրամադրումը կազմակերպելու, ինչպես նաև թիմերի հետ պարբերական աշխատանքային հանդիպումներ անցկացնելու, նախագծերի ընթացքը քննարկելու, հետադարձ կապ ստանալու և առաջացած խնդիրները լուծելու նպատակով,
• նախագծերի իրականացման ընթացքի վերահսկում և անհրաժեշտ փոփոխությունների իրականացում՝ սահմանված ժամկետների ու նպատակների պահպանումն ապահովելու համար, ինչպես նաև նախագծերի բյուջեների մշակում և կառավարում, ֆինանսական և այլ ռեսուրսների արդյունավետ բաշխման ու օգտագործման, ծախսերի վերահսկման, ֆինանսական հաշվետվողականության և բյուջետային կարգապահության ապահովում,
• հաճախորդների և շահագրգիռ կողմերի կարծիքների ու առաջարկությունների հիման վրա պրոդուկտային մարքեթինգային ռազմավարությունների և առաջարկների կատարելագործում։

Ներկայացվող պահանջներ`

• բարձրագույն կրթություն մարքեթինգի, բիզնեսի կառավարման կամ հարակից ոլորտներում, MBA աստիճանի առկայությունը կդիտվի որպես առավելություն,
• 3-5 տարվա աշխատանքային փորձ պրոդուկտային մարքեթինգի կամ նախագծերի կառավարման ոլորտում, ցանկալի է՝ բանկային, ֆինտեխ կամ հարակից ոլորտներում,
• պրոդուկտների հաջողված շուկա դուրսբերման և մարքեթինգային արշավների կառավարման հաստատված փորձ,
• նախագծերի կառավարման գերազանց հմտություններ, միաժամանակ մի քանի նախագծեր և առաջնահերթություններ արդյունավետ կառավարելու կարողություն,
• միջազգային մասնագիտական հավաստագրերի առկայությունը կդիտվի որպես առավելություն։

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Պրոդուկտ մարքեթինգ մենեջեր»։