Գործառնական համակարգերի ադմինիստրատոր

Աշխատատեղի նկարագրություն` 

Evoca-ն փնտրում է Գործառնական համակարգերի ադմինիստրատոր, ով պատասխանատու կլինի բանկում կիրառվող տեղեկատվական և գործառնական համակարգերի անխափան աշխատանքի ապահովման, ադմինիստրավորման և զարգացման համար։ Ինչպես նաև աջակցի բանկի աշխատակիցներին համակարգերի արդյունավետ օգտագործման հարցերում։

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):

Աշխատանքային պարտականություններ`

• ՀԾ-Բանկ 4.0 համակարգի ադմինիստրավորում և անխափան աշխատանքի ապահովում,
• համակարգի մոդուլների շահագործում և թարմացումների իրականացում,
• օգտվողների գրանցում, հասանելիությունների և իրավասությունների կառավարում,
• աշխատակիցների աշխատակայաններում համակարգի մոդուլների տեղադրում և կարգաբերում,
• գաղտնաբառերի տրամադրում և վերականգնում՝ ՏՏ անվտանգության բաժնի հետ համատեղ,
• հաշվապահական կարգաբերումների իրականացում,
• տվյալների արտահանման ձևաչափերի (MS Word, MS Excel, HTML, TXT) կարգավորում,
• խնդիրների վերհանում և առաջարկությունների ներկայացում,
• աշխատակիցների ուսուցում և շարունակական տեխնիկական աջակցություն:

Ներկայացվող պահանջներ`

• բարձրագույն կրթություն (նախընտրելի է տեղեկատվական տեխնոլոգիաների, կիրառական մաթեմատիկայի կամ հարակից ոլորտներում),
• առնվազն 3 տարվա աշխատանքային փորձ ՀԾ-Բանկ 4.0 համակարգի ադմինիստրավորման ոլորտում,
• ՀԾ-Բանկ 4.0 համակարգի կառուցվածքի, մոդուլների և կարգաբերման մեխանիզմների լավ իմացություն,
• ընդհանուր ՏՏ խորացված գիտելիքներ (օպերացիոն համակարգեր, ցանցեր, տվյալների բազաներ),
• սերվերների և ցանցային ենթակառուցվածքների կառավարման փորձ,
• խնդիրների վերլուծման և արագ լուծման հմտություններ,
• տվյալների անվտանգության և պահուստավորման գործընթացների իմացություն,
• թիմային աշխատանքի և հաղորդակցման լավ հմտություններ,
• պատասխանատվության բարձր զգացում և ինքնուրույն աշխատելու կարողություն:

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Գործառնական համակարգերի ադմինիստրատոր»։