ՎԱԶԳԵՆ ԳԵՒՈՐԿՅԱՆ, MBA, PHD

Ռուսաստանցի գործարար, Էվոկաբանկ ՓԲԸ-ի վերահսկող բաժնետեր:

Ծնվել է 1971թ. Արագածոտնի մարզի Օշական գյուղում:

1988թ. ավարտել է Երեւանի Գայի անվան № 129 դպրոցը: Բարձրագույն կրթությունը ստացել է Երեւանի պետական համալսարանի Երկրաբանական ֆակուլտետում:

1993թ. ընդունվել է ՌԴ կառավարությանն առընթեր Ժողովրդական տնտեսության ակադեմիա՝ 1998թ. ավարտելով այն «Կորպորատիվ կառավարման ժամանակից մեթոդները» մասնագիտությամբ: 2003թ. ավարտել է նույն ակադեմիայի ասպիրանտուրան, պաշտպանել թեկնածուական ատենախոսությունը՝ ստանալով տնտեսագիտական գիտությունների թեկնածուի գիտական աստիճան:

2008թ. ստացել է MBA որակավորում:

Աշխատանքային գործունեությունը սկսել է 20 տարեկանում՝ «Պրոմեթեյ» ԲԲԸ-ում (Երեւան)՝ սանտեխնիկայի եւ կենցաղային էլեկտրատեխնիկայի արտադրման գործարանի վարպետի պաշտոնից: 1994թ. տեղափոխվել է «ԶՆԳՍ-Պրոմեթեյ» ԲԲԸ մոսկովյան ներկայացուցչություն՝ որպես արտասահմանյան ընկերությունների հետ աշխատող մասնագետ: 10 տարվա ընթացքում զբաղեցրել է տարբեր ղեկավար պաշտոններ, իսկ 2001թ. նշանակվել ընկերության Խորհրդի նախագահի տեղակալ:

2003թ. ստանձնել է «Զակնեֆտեգազստրոյ Պրոմեթեյ» ՍՊԸ-ի (Մոսկվա) գլխավոր տնօրենի պաշտոնը:

2004թ.-ից մինչև 2009թ. եղել է «Զակնեֆտեգազստրոյ Պրոմեթեյ» ՍՊԸ-ի Տնօրենների խորհրդի նախագահ, իսկ 2009թ.-ից մինչև 2018թ.՝ Գլխավոր տնօրենի առաջին խորհրդական:

2018թ.-ից «Պրոմեթեյ Սիթի» ՍՊԸ (Մոսկվա) Գլխավոր տնօրենի առաջին խորհրդականն է:

Հանդիսանում է «Պրոմեթեյ-Սիթի» ՍՊԸ-ի 100% բաժնետեր:

2019թ. հուլիսից մինչ 2019թ. սեպտեմբեր եղել է «Էվոկաբանկ» ՓԲԸ Խորհրդի անդամ:

2019թ. սեպտեմբերից մինչ օրս «Էվոկաբանկ» ՓԲԸ-ի Խորհրդի նախագահն է:

Ամուսնացած է, ունի երկու երեխա: