Գրասենյակի ադմինիստրատոր

Աշխատատեղի նկարագրություն` 

Evoca-ն փնտրում է Գրասենյակի ադմինիստրատոր, ով պատասխանատու կլինի գրասենյակի առօրյա աշխատանքների կազմակերպման և համակարգման, գործընկերների դիմավորման, մատակարարների հետ հաղորդակցության և գրասենյակային միջավայրի պատշաճ պահպանման համար։

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):

Աշխատանքային պարտականություններ`

• գրասենյակ այցելող գործընկերների դիմավորում և ուղեկցում,
• հանդիպումների սենյակների ամրագրման, կոկիկ և պատշաճ տեսքի պահպանման ու անհրաժեշտության դեպքում դրանց նախապատրաստման ապահովում,
• անհրաժեշտության դեպքում գործընկերների և հյուրերի ընդունելության հետ կապված կազմակերպչական հարցերի համակարգում, ներառյալ հյուրասիրության կազմակերպումը։
• գրասենյակային միջավայրի պատշաճ պահպանման ապահովում, այդ թվում՝ բույսերի խնամքի կազմակերպում,
• գրասենյակային սարքավորումների անխափան աշխատանքի վերահսկում, անսարքությունների դեպքում համապատասխան մասնագետների հետ կապի հաստատում և խնդիրների լուծման կազմակերպում,
• մատակարարների հետ հաղորդակցության և համագործակցության կազմակերպում, անհրաժեշտ ապրանքների և ծառայությունների ձեռքբերման գործընթացի համակարգում,
• փաստաթղթերի և այլ անհրաժեշտ նյութերի առաքման կազմակերպում,
• գրասենյակի առօրյա կազմակերպչական այլ աշխատանքների իրականացում:

Ներկայացվող պահանջներ`

• բարձրագույն կրթություն,
• գրասենյակային ադմինիստրատիվ կամ կազմակերպչական աշխատանքների փորձը ցանկալի է,
• հաղորդակցման և կազմակերպչական լավ հմտություններ,
• հայերենի գերազանց իմացություն, ռուսերենի և անգլերենի իմացությունը ցանկալի է,
• համակարգչային գրագիտություն (MS Office),
• արագ կողմնորոշվելու և միաժամանակ մի քանի առաջադրանք կազմակերպելու կարողություն,
• նախաձեռնողականություն, բարեհամբույր հաղորդակցություն և պատասխանատվության բարձր զգացում,
• կոկիկություն, ուշադրություն մանրուքների նկատմամբ և կարգապահություն։

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Գրասենյակի ադմինիստրատոր»։