Նախագծերի կառավարիչ

Աշխատատեղի նկարագրություն` 

Evoca-ն փնտրում է Նախագծերի կառավարիչ, ով պատասխանատու կլինի բանկային և ՏՏ նախագծերի, մասնավորապես՝ Mulberry համակարգի արդյունավետ պլանավորման, համակարգման, կատարելագործման և իրականացման համար։ Կապահովի բիզնես և ՏՏ թիմերի համագործակցությունը, Mulberry համակարգի արդյունավետ աշխատանքի և շարունակական բարելավման գործընթացների համակարգումը, ինչպես նաև նախագծերի ժամկետների, ռիսկերի և նախատեսված արդյունքների ձեռքբերման վերահսկումը։

Ի՞նչ արտոնություններ կստանաք Դուք`

Մենք ձգտում ենք ստեղծել այնպիսի աշխատանքային միջավայր, որը նպաստում է աշխատակիցների աճին և զարգացմանը: Միանալով Evoca-ի թիմին, Դուք կստանաք՝

• բժշկական ապահովագրություն,
• ճամփորդական ապահովագրություն,
• Evoca-ի պրոդուկտների և ծառայությունների արտոնյալ պայմաններ,
• տոնական և տարեվերջյան բոնուսներ,
• բոնուսներ ամուսնության կամ երեխայի ծննդյան առթիվ,
• վճարվող հանգստյան օրեր,
• սպորտ փաթեթ,
• անգլերեն լեզվի դասընթացներ,
• շարունակական կրթության և զարգացման լայն հնարավորություններ (մասնակցություն միջազգային կոնֆերանսներին, գործուղումներ արտերկիր, հնարավորություն ստանալու միջազգային հավաստագրեր և սովորելու աշխարհի լավագույն համալսարաններում):
  
  

Աշխատանքային պարտականություններ`

• Mulberry համակարգի ընթացիկ աշխատանքի աջակցության և համակարգի հետ կապված խնդիրների բացահայտման, վերլուծության ու լուծման գործընթացի համակարգում,
• Mulberry համակարգի կատարելագործման և ֆունկցիոնալության ընդլայնման նպատակով բիզնես պահանջների հավաքագրում, վերլուծություն, հստակեցում և ֆորմալացում,
• Mulberry համակարգի բարելավման առաջարկների մշակում՝ հաշվի առնելով բանկային գործընթացների առանձնահատկությունները և ստորաբաժանումների կարիքները,
• Mulberry համակարգի փոփոխությունների, նոր ֆունկցիոնալությունների և կատարելագործումների իրականացման գործընթացի համակարգում,
• Mulberry համակարգի աշխատանքի ընթացքում առաջացող խնդիրների, անհամապատասխանությունների և սխալների արձանագրում, վերլուծություն և դրանց լուծման ընթացքի վերահսկում,
• Mulberry համակարգի փոփոխությունների փորձարկման և օգտատերերի կողմից ընդունման թեստավորման (UAT) կազմակերպում և արդյունքների վերահսկում,
• նախագծային պլանների, ժամկետների, առաջընթացի, ռիսկերի և կախվածությունների կազմում ու վերահսկում,
• բանկի տարբեր ստորաբաժանումների, ՏՏ թիմերի, մատակարարների և գործընկերների աշխատանքի համակարգում,
• բիզնես պահանջների հավաքագրման, հստակեցման և լուծումների համաձայնեցման մասնակցություն,
• նախագծային հանդիպումների կազմակերպում, որոշումների և առաջադրանքների կատարման վերահսկում,
• նախագծերի կարգավիճակի հաշվետվությունների պատրաստում և ներկայացում ղեկավարությանը, ինչպես նաև նախագծերի ժամանակին և որակյալ իրականացում։

Ներկայացվող պահանջներ`

• Mulberry համակարգի հետ աշխատանքի կամ դրա սպասարկման, աջակցության և կատարելագործման գործընթացներում ներգրավվածության պարտադիր փորձ,
• նախագծերի կառավարման գործնական փորձը ցանկալի է,
• ՏՏ նախագծերի կամ ՏՏ միջավայրում աշխատանքի փորձը ցանկալի է,
• վերլուծական մտածողություն և խնդիրների կառուցվածքային լուծման կարողություն,
• հաղորդակցման և համագործակցության գերազանց հմտություններ,
• պատասխանատվության բարձր զգացում, կազմակերպվածություն և արդյունքին միտված աշխատանքային մոտեցում,
• հայերեն և ռուսերեն լեզուների լավ իմացություն, անգլերենի իմացությունը կդիտվի որպես առավելություն,
• Jira, Confluence կամ նախագծերի կառավարման այլ գործիքների հետ աշխատանքի փորձ,
• բիզնես պահանջների ֆորմալացման, փորձարկման և օգտատերերի կողմից ընդունման թեստավորման (UAT) գործընթացների փորձ,
• PMP, Scrum Master, Product Owner կամ այլ մասնագիտական հավաստագրերի առկայությունը կդիտվի որպես առավելություն։

Ինչպե՞ս դիմել`

Խնդրում ենք ուղարկել ինքնակենսագրականը (CV) [email protected] էլեկտրոնային հասցեին` վերնագրում նշելով «Նախագծերի կառավարիչ»։