Evoca-ն՝ Yerevan Open շախմատային մրցաշարի ֆինանսական հովանավոր

Երևանի շախմատի ֆեդերացիան այս տարի ևս կազմակերպեց Yerevan Open միջազգային բաց մրցաշարը, որն անցկացվեց Տիգրան Պետրոսյանի անվան շախմատի տուն-մարզադպրոցում։

Evocabank-ը հանդիսանում էր շախմատի միջազգային մրցաշարի հովանավոր՝ տրամադրելով ֆինանսական աջակցություն մրցաշարի իրականացման համար և նպաստելով միջոցառման կազմակերպման բարձր մակարդակին և զարգացմանը։

Yerevan Open 2025-ը միավորել էր ավելի քան 300 շախմատիստ 11 երկրից։ Մասնակիցների թվում կային բազմաթիվ միջազգային կոչում ունեցող շախմատիստներ։

Մրցաշարին ներկա էր նաև Evocabank-ի Մարքեթինգի և հանրային կապերի վարչության ղեկավար Լյուսի Սարուխանյանը, ով անձամբ հատուկ մրցանակներ հանձնեց «Բ» մրցաշարի հաղթողներին։

Evocabank-ը, կարևորելով կորպորատիվ սոցիալական պատասխանատվության մեծ դերը, շարունակաբար աջակցում է կրթական, մշակութային և սպորտային նախաձեռնություններին՝ հավատալով, որ նման ծրագրերը նպաստում են երիտասարդների ներուժի բացահայտմանը և հասարակության զարգացմանը։