Evocabank-ը՝ ՆԱԻ-Հայաստան 2025 կոնֆերանսի Արծաթե գործընկեր

Հայաստանի Ներքին Աուդիտորների Ինստիտուտը հոկտեմբերի 31-ին և նոյեմբերի 1-ին Armenia Marriott հյուրանոցում իրականացրեց տարեկան կոնֆերանս։ Այս տարվա կոնֆերանսի թեման էր՝ “GRC in the Era of AI and Digital Assets”։

Կոնֆերանսի նպատակն էր ներկայացնել բիզնեսի աճի ռազմավարությունների, կորպորատիվ կառավարման և թվային փոխակերպման լավագույն փորձը՝ քննարկելով արհեստական բանականության կիրառման հնարավորություններն ու ռիսկերը, ինչպես նաև թվային ակտիվների ոլորտի կազմակերպման, իրավական և կիբերանվտանգության կարևոր հարցերը։

Կոնֆերանսին ներկա էին խոսնակներ և հյուրեր ինչպես Հայաստանից, այնպես էլ  ԱՄԷ-ից, Լիբանանից, Նիդեռլանդներից, Միացյալ Թագավորությունից, Սլովենիայից և այլ երկրներից։

Կոնֆերանսին մասնակցում էին Evocabank-ի Ներքին աուդիտի և Ռիսկերի կառավարման թիմերը։ Որպես խոսնակ՝ հանդես եկավ նաև Բանկի խորհրդի նախագահ Վարուժան Ավետիքյանը՝ կորպորատիվ կառավարման բարեփոխումների մասին թեմայով։

Ունենալով առաջատար դիրք թվայնացման և կորպորատիվ կառավարման ոլորտներում՝ Evocabank-ը կոնֆերասին հանդես եկավ որպես «Արծաթե գործընկեր»։