Evocabank-ը՝ AMX AWARDS 2026-ի մրցանակակիր
Evocabank-ը AMX AWARDS 2026-ի ընթացքում արժանացել է «Դեպոզիտարիայի ավտոմատացված համակարգերի կիրառման լավագույն գործընկեր» մրցանակին։
16.06.2026
Տեղի ունեցավ AMX AWARDS 2026 ամենամյա մրցանակաբաշխությունը, որը համախմբեց Հայաստանի ֆինանսական ոլորտի առաջատար կազմակերպություններին՝ արժևորելու կապիտալի շուկայի զարգացման գործում նրանց ներդրումն ու ձեռքբերումները։
Մրցանակաբաշխության շրջանակում Հայաստանի կենտրոնական դեպոզիտարիան Evocabank-ին շնորհեց «Դեպոզիտարիայի ավտոմատացված համակարգերի կիրառման լավագույն գործընկեր» մրցանակը՝ բարձր գնահատելով Բանկի ներդրած տեխնոլոգիական լուծումները և ավտոմատացված համակարգերի արդյունավետ կիրառումը։
Այս մրցանակը ևս մեկ անգամ հաստատում է Evocabank-ի հետևողական աշխատանքը թվային փոխակերպման ուղղությամբ։
Վերջին տարիներին Evocabank-ը զգալի ներդրումներ է կատարել թվային լուծումների զարգացման մեջ՝ շարունակաբար կատարելագործելով իր ծառայություններն ու գործընթացները։ Այս ամենի մասին են փաստում EvocaTOUCH բջջային հավելվածը և EvocaINVEST ներդրումային հարթակը, որոնք հաճախորդներին հնարավորություն են տալիս մի քանի հպումով կառավարել իրենց ֆինանսները, կատարել ներդրումային գործարքներ և օգտվել ժամանակակից թվային գործիքներից։
Շնորհակալ ենք Հայաստանի կենտրոնական դեպոզիտարիային բարձր գնահատականի համար։
