Հիփոթեք 7.5% կանխավճարով և առանց լրացուցիչ գույքի գրավադրման

Evocabank-ում բարելավվել են հիփոթեքային վարկավորման պայմանները: Այսուհետ բնակարան երիտասարդներին ծրագրով հիփոթեքային վարկերը կտրամադրվեն՝ սկսած 7.5% կանխավճարով՝ առանց լրացուցիչ գույքի գրավադրման:

Ծրագրի շրջանակներում ամուսինների գումարային տարիքը չի կարող գերազանցել 70-ը, իսկ ամուսիններից յուրաքանչյուրի տարիքն արդեն կարող է գերազանցել անգամ 35-ը:
Բնակարան երիտասարդներին ծրագրով վարկի տարեկան անվանական տոկոսադրույքը կազմում է 6.8%, որից՝

• Երևանում սուբսիդավորվում է 2%-ը և կազմում 4.8%
• Մարզերում՝ 4%-ը և կազմում 2.8%

Վարկի մարման առավելագույն ժամկետը 15 տարի է:

Ինչպես նշում է Evocabank-ի մանրածախ գործառնությունների Վարչության պետ Սերգեյ Գասպարյանը. «Համոզված ենք՝ այս բարելավումը մեծ դրական արձագանք կունենա: Այն հնարավորություն կտա բազմաթիվ ընտանիքների ներգրավվելու ծրագրին ու ձեռք բերելու բնակարան հարմար պայմաններով: Նշեմ նաև, որ Բանկի սեփական միջոցներով հիփոթեքային վարկերը տրամադրվում են 0% կանխավճարով՝ լրացուցիչ բնակելի անշարժ գույք գրավադրելու դեպքում»:

Բնակարան երիտասարդներին ծրագրով վարկի տարեկան փաստացի տոկոսադրույքը մինչև սուբսիդավորումը կազմում է 7.2%` 6.8% անվանական տոկոսադրույքի դեպքում: