Վերանորոգման վարկեր (Ազգային Հիփոթեքային Ընկերություն «Ջերմ Օջախ» ծրագրի շրջանակներում)

Evocabank-ն առաջարկում է բնակելի անշարժ գույքի վերանորոգման վարկեր՝ Ազգային Հիփոթեքային Ընկերության «Ջերմ Օջախ» ծրագրի շրջանակներում: Վարկը տրամադրվում է առանց գրավադրման պահանջի՝ մարման համար սահմանելով 6 ամիս արտոնյալ ժամանակաշրջան (միայն տոկոսների ամենամսյա մարում)։

Օգտվելով «Ջերմ օջախ» վարկատեսակից՝ Դուք վերանորոգում եք Ձեր տունն ու նվազեցնում կոմունալ ծախսերը, ունենում խնայողություններ՝ նպաստելով բնակարանի շուկայական արժեքի բարձրացմանը։

Բացի այդ, եթե բնակելի անշարժ գույքի էներգաարդյունավետության բարձրացման համար նախատեսված միջոցառումների և նյութերի/պարագաների ձեռքբերման ծավալը գերազանցում է վարկի գումարի 40%-ը, Դուք ստանում եք նաև վարկի 5%-ի չափով դրամաշնորհ։

Ամեն ինչ՝ հօգուտ հաճախորդի։ Պարզելու համար՝ արդյո՞ք պլանավորված նորոգման ծրագիրը բավարարում է վարկի տրամադրման և դրամաշնորհի պայմաններին, Դուք կարող եք ստուգել «Ջերմ օջախ» վարկերի կայքում ներկայացված առցանց էներգահաշվիչ գործիքի միջոցով՝ կատարելով էներգաարդյունավետության հաշվարկ։