Հիփոթեքային վարկ «Երիտասարդ ընտանիքին՝ մատչելի բնակարան»

«Երիտասարդ ընտանիքին` մատչելի բնակարան» ծրագրի շրջանակներում Evocabank-ը առաջարկում է հիփոթեքային վարկեր ամենաշահավետ պայմաններով: Եթե Ձեր և Ձեր ամուսնու հանրագումարային տարիքը չի գերազանցում 70-ը, և ունեք բավարար եկամուտներ ու դրական վարկային պատմություն, ապա հենց այս ծրագրի օգնությամբ կարող եք ձեռք բերել Ձեր նախընտրած բնակարանն ինչպես Երևանում, այնպես էլ ՀՀ մարզերում:

Գործում է նաև՝

• 2% սուբսիդավորում, ք. Երևանում բնակելի անշարժ գույքի ձեռքբերման դեպքում,
• 4% սուբսիդավորում, ՀՀ մարզերում բնակելի անշարժ գույքի ձեռքբերման դեպքում:

Երկրորդային շուկայից բնակելի անշարժ գույքի գնման համար անհրաժեշտ է ունենալ կանխավճար սկսած 10%-ից, իսկ առաջնային շուկայից անշարժ գույքի գնման դեպքում անհրաժեշտ է ունենալ կանխավճար 7.5%-ից սկսած:

Ձեր վարկունակությունը բավարա՞ր չէ վարկի ստացման համար, մենք այդ մասին էլ ենք մտածել: Ձեր վարկային պարտավորությունները Ձեզ հետ միասին կարող է ստանձնել նաև համավարկառուն: Որպես համավարկառուներ կարող են հադիսանալ Ձեր ընտանիքի անդամները (ընտանիքի անդամներ են համարվում` ամուսինը, վարկառուի և նրա ամուսնու ծնողները, քույրերը և եղբայրները):