Հայաստանում գործարկվեց Firebird AI-ի «ԱԲ գործարանը»

Այս տարվա մարտին Evocabank-ը 5 այլ ֆինանսական կառույցների հետ միացավ Հայաստանում արհեստական բանականության ենթակառուցվածքային մեգանախագծերից մեկի՝ Firebird AI-ի «ԱԲ գործարանի» 300 մլն ԱՄՆ դոլարի ֆինանսավորմանը։

Այսօր՝ ընդամենը մի քանի ամիս անց, արդեն տեսնում ենք ֆինանսավորման արդյունքը․ Հրազդանում պաշտոնապես բացվեց ԱԲ գործարանը՝ դառնալով տարածաշրջանի ամենամեծ արհեստական բանականության կենտրոններից մեկը։

Firebird AI-ի գործարանը նախատեսված է Հայաստանում արհեստական բանականության և բարձր տեխնոլոգիաների զարգացման նոր հնարավորություններ ստեղծելու համար՝ տրամադրելով մեծ քանակությամբ ռեսուրսներ հետազոտական հաստատություններին, տեխնոլոգիական ընկերություններին և բիզնեսներին։ Ծրագրի 2-րդ փուլը գործարկելուց հետո ներդրումների ծավալը կկազմի մոտ 4 մլրդ դոլար:

Evocabank-ը շարունակում է աջակցել Հայաստանի տնտեսության և տեխնոլոգիական ոլորտի զարգացմանն ուղղված խոշոր նախագծերին՝ մասնակցելով այն նախաձեռնություններին, որոնք նոր հնարավորություններ են ստեղծում բիզնեսի, գիտության ու նորարարության համար։