Վերադառնալ
Բանկային

Evocabank-ը և FINCA-ն համատեղ քարտեր կթողարկեն

Քարտերի միջոցով FINCA-ի հաճախորդները կկարողանան իրենց վարկերը ստանալ անկանխիկ եղանակով:

29.06.2022
Evocabank-ը և FINCA-ն համատեղ քարտեր կթողարկեն

Համագործակցության պայմանագիրը ստորագրել են Evocabank-ի Վարչության նախագահ Կարեն Եղիազարյանը և FINCA-ի Գլխավոր գործառնական տնօրեն Վարդան Հարոյանը:

Համատեղ թողարկվող դեբետային քարտերի միջոցով FINCA ֆիզիկական անձ հաճախորդները կարող են իրենց՝ մինչև 2.5 միլիոն ՀՀ դրամի և համարժեք ԱՄՆ դոլարի չափով վարկերը ստանալ անկանխիկ եղանակով:

Ի դեպ, քոբրենդային քարտի միջոցով վարկը ստանալու դեպքում վարկի գումարը հաճախորդին է փոխանցվում նույն օրվա ընթացքում: Քարտերը տրամադրվում են անվճար և առանց տարեկան սպասարկման վճարի՝ դրանց գործածությունը հաճախորդների համար առավել հարմար և հասանելի դարձնելու նպատակով:

Շուտով կազմակերպությունները հանդես կգան համատեղ նոր նախագծերով, որոնցից է` օնլայն հարթակում վարկերի անկանխիկ մարումներ իրականացնելու ծառայությունը: