Evocabank-ը՝ AUA-ի 35-ամյակի միջոցառման հովանավոր

Սեպտեմբերի 25-ին Ամերիկյան համալսարանի (AUA) 35-ամյակի առթիվ Արամ Խաչատրյան համերգասրահում տեղի ունեցավ տոնական միջոցառում, որի Legacy Partner-ը Evocabank-ն էր։

"Paving the Way for Future Leaders" խորագրով երեկոն մեկտեղեց AUA-ի ուսանողներին, շրջանավարտներին, դասախոսներին ու աշխատակիցներին, ինչպես նաև համալսարանի գործընկերներին ու աջակիցներին։

35 տարիների ընթացքում AUA-ն ձևավորել է ավելի քան 8,000 շրջանավարտներից բաղկացած համայնք, որոնցից շատերն այսօր իրենց մասնագիտական գործունեությամբ նպաստում են Հայաստանի և աշխարհի տարբեր ոլորտների զարգացմանը։

AUA-ի հետ Evocabank-ին կապում է նաև մեր թիմի անդամների անձնական պատմությունը․ Բանկի բազմաթիվ աշխատակիցներ, այդ թվում՝ թոփ մենեջմենթի ներկայացուցիչներ, AUA-ի շրջանավարտներ են։

Կրթությունն ու շարունակական զարգացումը մեզ համար կարևոր արժեքներ են, ու մենք մեծ սիրով աջակցում ենք մի համալսարանի, որն արդեն 35 տարի նոր հնարավորություններ է ստեղծում Հայաստանի ապագայի համար։

Տոնական ծրագրի երաժշտական հատվածն ապահովեց Հայաստանի ազգային ֆիլհարմոնիկ նվագախումբը:

Շնորհավորում ենք AUA-ին 35-ամյակի կապակցությամբ և ուրախ ենք լինել այս կարևոր ճանապարհի մի մասը։