Evocabank-ը՝ TRF 2026-ի ֆինանսական գործընկեր

Հոկտեմբերի 9-11-ը Դիլիջանը կհյուրընկալի Զբոսաշրջության տարածաշրջանային ֆորում 2026-ը (TRF 2026)՝ մեկ հարթակում հավաքելով զբոսաշրջության, քաղաքաշինության, ֆինանսների, մշակույթի և դիվանագիտության ոլորտների մասնագետներին ու առաջնորդներին։

Ֆորումի շրջանակում Evocabank-ը հանդես կգա որպես ֆինանսական գործընկեր։

Պանելային քննարկումների ընթացքում մասնակիցները կանդրադառնան Հայաստանում զբոսաշրջության ոլորտի ֆինանսավորման հնարավորություններին, նոր լուծումներին և այն քայլերին, որոնք կարող են խթանել դրա հետագա զարգացմանը։

Իսկ քանի որ զբոսաշրջության մասին խոսելիս ճամփորդությունն անպակաս է, Evocabank-ը ֆորումի բոլոր մասնակիցների համար պատրաստել է հատուկ նվեր՝ 5 տարի ժամկետով անվճար Evoca Travel Card։

Ֆորումի ընթացքում բոլոր մասնակիցները կստանան welcome pack-եր, որտեղ էլ կգտնեն իրենց ճամփորդական քարտերի վաուչերները, որոնք մինչև դեկտեմբերի 1-ը կարող են ներկայացնել Evocabank-ի նորաբաց «Դիլիջան» մասնաճյուղում և ստանալ իրենց ֆիզիկական քարտը։

Evoca-ն սիրում է լինել այնտեղ, որտեղ նոր գաղափարներ են ծնվում ու նոր հնարավորություններ են ստեղծվում։

TRF 2026-ին էլ մենք միանում ենք հենց այդ գաղափարով՝ աջակցելու նախաձեռնություններին, որոնք զարգացնում են Հայաստանը և մարդկանց համար նոր հնարավորություններ ստեղծում։