Visa Infinite

Քարտի առավելությունները

• 

  Visa Airport Companion

  Ամբողջ աշխարհում ավելի քան 1,200 օդանավակայանի բիզնես սպասասրահներ սպասում են Ձեզ: Էքսկլյուզիվ սպասարկում, նորաոճ միջավայր, հատուկ առավելություններ միայն Evoca Visa Infinite գործընկերների համար:

  Visa Airport Companion հավելվածում գրանցվելով՝ Դուք ոչ միայն ստանում եք թվային անդամակցություն, այլ նաև հնարավորություն՝ ծանոթանալու բիզնես սրահներին, ստուգելու Ձեզ հասանելի տարեկան մուտքերի քանակը և այլ առավելություններ։

  Դուք կարող եք օգտվել օդանավակայանների բիզնես սպասասրահների անսահմանափակ մուտքերից, եթե նախորդ 12 ամսվա ընթացքում Ձեր Evoca Visa Infinite քարտով կատարել եք առնվազն $400 կամ համարժեք արտարժույթի անկանխիկ վճարումներ։ Իսկ եթե ոչ, կակտիվանա տարեկան 6 անվճար մուտքի հնարավորությունը։

  Դուք գտաք օդանավակայաններում հարմարավետության Ձեր բանալին։ Պարզություն` սկզբից մինչև վերջ. ընդամենը հարկավոր է ներբեռնել Visa Airport Companion հավելվածը, գրանցել Ձեր վավեր Evoca Visa Infinite պրեմիում քարտը և ստանալ Ձեր թվային բաժանորդագրության անցագիրը:

  Չմոռանաք, որ կարող եք օգտագործել նաև Visa Concierge չատ-բոտը՝ Ձեր թվային բաժանորդագրությունը ստանալու համար։

  Իսկ թե ինչպե՞ս գրանցվել Visa Airport Companion հավելվածում և մուտք գործել բիզնես սրահներ, ծանոթացեք այստեղ:

• 

  Բժշկական միջազգային աջակցություն

  Բոլոր անկանխատեսելի իրավիճակներում Դուք միշտ ապահով եք ու պաշտպանված, քանի որ մեկ զանգով մենք կտրամադրենք Ձեզ անհրաժեշտ բժշկական և իրավաբանական խորհրդատվություն, տեղեկատվություն բժշկական կենտրոնների մասին, կապ կհաստատենք լավագույն բժիշկների հետ, կկատարենք բուժման համար բոլոր քայլերը, իսկ անհարժեշտության դեպքում՝ կապահովենք Ձեր և Ձեր ընտանիքի հարմարավետ ու արագ տեղափոխումը տուն՝ վճարելով առաջացած ծախսերը:

  Որպես Visa Infinte քարտի արտոնյալ Գործընկեր՝ Դուք ունեք բժշկական ապահովագրության 2,500,000 ԱՄՆ դոլարի ծածկույթ:

  Visa Infinite գործընկերների համար բժշկական ապահովագրությունը տարեկան 90 օր տրամադրվում է անվճար:

• 

  Ճամփորդական ապահովագրություն

  Չեղարկվել կամ փոփոխվե՞լ են ճանապարհորդության սկզբնական պլանները, հետաձգվե՞լ է թռիչքը, կորե՞լ է ուղեբեռը կամ կանխիկ դրամական միջոցները, մենք կփոխհատուցենք առաջացած ծախսերը:

  Վայելեք կյանքի ամեն րոպեն, ստացեք ադրենալինի Ձեր չափաբաժինը էքստրեմալ սպորտից: Մենք ապահովագրել ենք շուրջ 58 սպորտաձևերի արդյունքում վնասվածքներ ստանալու դեպքերը: Իսկ եթե ճամփորդության ընթացքում վարձակալել եք մեքենա, կարող եք հանգիստ լինել դրա խափանման դեպքերի համար:

  Visa Infinite գործընկերների համար ճամփորդական ապահովագրությունը տարեկան 90 օր տրամադրվում է անվճար:

• 

  Արտոնությունների աշխարհ

  Visa Infinte-ը Ձեր բանալին է դեպի արտոնությունների մեծ աշխարհ:

  Անկախ Ձեր գտնվելու վայրից՝ օգտագործեք Ձեր Visa Infinite քարտը և օգտվեք հատուկ առաջարկներից, գրավիչ արտոնություններից և զեղչերից:

  Ավելի քան 600 գործընկեր աշխարհի տարբեր կետերում…

  Վայելեք շրջապատի ամեն մի մանրուքը՝ ճամփորդելով մեքենայով, իսկ մեքենան վարձակալեք մինչև 35% զեղչով:

  Իսկ աշխարհի ավելի քան 985,000 հյուրանոցներ հատուկ Ձեզ համար կտրամադրվեն մինչև 12% զեղչով:

  Visa-ն միայն Ձեզ համար առանձնացրել է 900 լյուքս դասի շքեղ հյուրանոց, որտեղ Դուք կստանաք՝

  • Տվյալ պահին երաշխավորված ամենացածր գին
  • VIP հյուրի կարգավիճակ
  • Սենյակի դասի ավտոմատ բարձրացում ժամանման պահին
  • Կոնտինենտալ նախաճաշ
  • Անհրաժեշտության դեպքում՝ ուշ դուրսգրում
  • Սննդի և խմիչքների վաուչեր

  Visa Infinite գործընկերների համար արտոնությունները տրամադրվում են անվճար:

• 

  Անվտանգ գնումներ

  Ձեր գնումները պաշտպանված են: Մենք կհոգանք Ձեր իրերի ապահովության համար:

  Գնումների անվտանգության ծրագիրը Ձեր իրերի ապահովությունն է հնարավոր կորստի, գողության կամ չկանխամտածված վնասի դեպքում՝ գնումից 90 օրվա ընթացքում:

  Իսկ Ձեր գնած իրերի արտադրողի երաշխիքային ժամկետը կերկարաձգվի ևս 24 ամսով, քանի որ Դուք Visa Infinite գործընկեր եք:

• 

  SpeedPass ծառայություն

  yQ meet and assist ծառայություն

  Վայելեք Ձեր ճամփորդությունը՝ խուսափելով ավելի քան 450 օդանավակայանների հերթերից:

  yQ գործակալները սիրով կդիմավորեն Ձեզ ժամանման պահին, կուղեկցեն դեպի անձնագրային ստուգման սրահ, այնուհետև հատուկ Ձեզ համար կկազմակերպեն գրանցման արագացված գործընթաց: Մեկնու՞մ եք արտերկիր, զբաղեցրեք ինքնաթիռի Ձեր տեղերն առանձնացված մուտքով: Մենք կկազմակերպենք նաև Ձեր տրանսֆերը՝ Ձեր կողքին լինելով ընդհուպ մինչև մեքենա:

  Visa Infinite գործընկերների համար SpeedPass ծառայությունը տրամադրվում է ստանդարտից 25% զեղչով:

• 

  Կոնսիերժ ծառայություն

  Աշխարհի ցանկացած կետում, օրվա ցանկացած ժամի Ձեր անձնական օգնականը պատրաստ է Ձեզ տեղեկատվություն տրամադրել ավելի քան 6,000 ծառայությունների մասին և ամրագրել դրանք Ձեզ համար բացարձակապես անվճար:

  Մենք Ձեզ համար կգնենք ինքնաթիռի ու թատրոնի տոմսերը, ընթրիքի համար սեղան կամրագրենք լավագույն ռեստորաններում, կգտնենք լավագույն գոլֆի դաշտը կամ արվեստի յուրօրինակ գործը:

  Visa Infinite գործընկերների համար կոնսիերժ ծառայությունն անվճար է:

  Կոնսիերժ ծառայության ՝

  Telegram

  Viber

• 

  Պահատուփ

  Դուք հանգիստ ճամփորդում եք, իսկ մենք 24-ժամյա հսկողության ներքո պահպանում ենք Ձեր արժեքավոր իրերը:

  Պահատուփերի պարունակությունը միայն Ձեր գաղտնիքն է: Դրանցում կարող եք պահել Ձեզ համար արժեք ներկայացնող ցանկացած իր՝ դրամ, արժեթղթեր, թանկարժեք մետաղներ ու քարեր, ոսկերչական իրեր, արվեստի գործեր, ֆոտո և տեսաժապավեններ, մագնիսական կրիչներ և այլն:

  Visa Infinite գործընկերների համար Evocabank-ում չհրկիզվող պահատուփը տրամադրվում է անվճար: