Evocabank-ը` Textile Academy Bootcamp 2024-ի հովանավոր

Bootcamp-ը 7-օրյա դասընթաց է, որը նախատեսված է ստեղծագործողների, նորաձևության և տեքստիլի դիզայներների, ինչպես ուսուցիչների, այնպես էլ՝ ուսանողների և թվային արտադրության մասնագետների համար:

Fabricademy Bootcamp 2024-ը կանցկացվի մայիսի 26-ից հունիսի 1-ը` Fab Lab Armenia-ի հետ համագործակցության շորհիվ։

Դասընթացի ընթացքում մասնակիցները կուսումնասիրեն տեքստիլի և հագուստի արտադրության ներկայիս համակարգերի նոր հնարավորություններն ու այլընտրանքները՝ առաջնորդվելով աշխարհի տարբեր կետերից հյուրընկալված տեխնոլոգների, տեքստիլի և նորաձևության դիզայներների և ոլորտի այլ փորձառու մասնագետների կողմից:

Մասնակիցները հնարավորություն կստանան՝

• ունենալ գործնական հանդիպումներ դասընթացի հիմնադիրների և դասախոսական կազմի հետ,
• մասնակցել առցանց դասախոսությունների աշխարհահռչակ փորձագետների հետ,
• ձեռք բերել գործնական փորձ՝ կապված դասընթացի ընթացքում օգտագործվող մեքենաների և նյութերի հետ,
• հանդիպել և ամբողջ շաբաթվա ընթացքում աշխատել նորաձևության ու տեքստիլ արդյունաբերության փորձագետների, դիզայներների և ոլորտի մասնագետների հետ,
• ուսումնասիրել մշակույթը և շրջել Հայաստանում տեղացիների հետ,
• աշխատել արհեստավորների և հրավիրված դիզայներների հետ համատեղ նախագծերի վրա,
• ուսումնասիրել ավանդական և ժամանակակից թվային արտադրությունը։

Իսկ որտեղ նորաձևությունը, թվայնացումն ու ժամանակակից գործիքների կիրառումը, այնտեղ էլ՝ Evoca-ն։

Հիշեցնենք, որ Evocabank-ը համարվում է Textile Academy Bootcamp 2024-ի հովանավորը։